Kulis.az Amid Mirzəyevin “Ən qısa hekayə” müsabiqəsinə göndərdiyi “Reallıq” (321 işarə) hekayəsini təqdim edir.
…Onlarla insanın mobil telefonunun kamerasına gözlərini tərpətməklə baxa bilirdi yalnız. İki ayağının və sağ qolunun sıxışdığı dəmir parçasını FHN əməkdaşı iri qayçı ilə kəsməyə çalışırdı. Üzündəki təəccüb dolu təbəssüm xilas olacağı düşüncəsinin verdiyi reaksiya deyildi. Təxminən 1 saat əvvəl Ukrayna dairəsi ətrafında baş vermiş qəzanı çəkmişdi mobil telefonu ilə...
