“Azərbaycan kino istehsalat prosesini bir sözlə izah etmək olsa, sadəcə zövqsüzlükdür. Zövqsüzlük, biganəlik… Nə etmək olar? Bilmirəm”.
Kulis.az xəbər verir ki, bu sözləri APA TV-nin efirində yayımlanan “Ekstra müsahibə” verilişinin qonağı, Kann Film Festivalında “Sanki yoxsan” qısametrajlı filmi 4420 film arasında 11-yə seçilən rejissor Azər Quliyev deyib.
O, danışmaq deyil, işləmək lazım olduğunu qeyd edib:
“Azərbaycan kinosunun problemlərini müzakirə edib, özümü yormağı düşünmürəm. Böyük səslənsə belə, bizim atdığımız addımlar hər kəs üçün nümunə olmalıdır. Bu barədə aparıcı kino adamlarımız dəfələrlə danışıblar, müraciətlərini, etirazlarını bildiriblər”.
