Litvanın “rasyk.lt” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində Xalq şairi Məmməd Arazın ingilis dilinə tərcümə edilmiş “Müharibə olmasa” şeirinin yayımına başlayıb.
Kulis.az xəbər verir ki, şeirin tərcüməçisi Kanada şairi və tərcüməçisi Patrik Vudkokdur.
Qeyd edək ki, “rasyk.lt” portalı mütəmadi olaraq səhifələrində Uilyam Şekspir, Aleksandr Puşkin, Ceyn Ostin, Vladimir Nabokov kimi dünya şöhrətli yazıçı və şairlərin yaradıcılığına yer verir.
