Amerikalı reper, "Qremmi" mükafatı laureatı "Lil Durk" (Derk Benks) Floridada Mayami Beynəlxalq Hava Limanı yaxınlığında həbs edilib.
Kulis.az xəbər verir ki, bu barədə "The New York Times" məlumat yayıb.
Reper həmkarını öldürmək üçün sui-qəsddə ittiham olunur. Məhkəmə materiallarına görə, Derk reper Quando Rondonun başına mükafat qoyub. Beləliklə, "Lil Durk" şərikləri ilə birlikdə 2020-ci ilin noyabrında Atlantada güllələnən reper "King Vonun" qətlinin qisasını almaq istəyirmiş.
Prokurorlar reperin bu işdə beş nəfərlə əlbir olduğunu bildirib. Onlar Çikaqoda həbs ediliblər və tezliklə Los-Ancelesdə də məhkəmə qarşısına çıxacaqlar.
