“Beş ay əvvəl erkən nikah, qadın alveri və uğursuz miqrasiya haqqında real həyatda baş verən bir hadisənin üzərində işləmək təklif olunmuşdu. Mən də qəbul etmişdim. Komanda da türk və almanlar da var. Mənim işim süjeti zənginləşdirmək, dialoqları ədəbi mahiyyəti pozulmadan sadələşdirmək və səhnələr yazmaq idi.”
Bu sözləri Kulis.aza açıqlamasında Fransada yaşayan azərbaycanlı yazıçı Nicat Kazımov söyləyib. O daha sonra əlavə edib.
“İki ay müddətində işlədikdən sonra işi təhvil verdim. Məqsəd Türkiyədə və Almaniyada kitab nəşr edilməsi və film çəkilməsi idi. Dünən mənə bildirildi ki, bizim iş müəyyən kanallar vasitəsi ilə “Netflix”ə təqdim olunub qəbul olunub və 5 seriyadan ibarət mini serial çəkiləcək.
Çox sevinirəm ki, “Netlfix” kimi böyük bir platformada gələn il işimiz yayınlanacaq.
Müəyyən kontaktlar əldə olunduğu üçün “Netflix”lə əlaqələri intensivləşdirib, hazırda üzərində işlədiyim digər ssenarini də gələn il təqdim edəcəyəm.”
