Bakıda “Endirimli Kitab Yarmarkası”na start verilir.
Kulis.az xəbər verir ki, fevralın 11-21-də “Qanun” Nəşrlər Evi nəşriyyatın akt zalında “Endirimli Kitab Yarmarkası” kampaniyasına start verir.
Kampaniyaya 1, 2, 3 və 5 manatlıq yüzlərlə kitab daxildir.
Oxucular bu sərgidə ingilis, rus və türk dillərində geniş çeşidli kitablar da əldə edə biləcəklər.
Təqdim olunan minlərlə çap məhsulu müxtəlif janrları, müxtəlif mövzuları əhatə etməklə yanaşı həm də hər yaşa aid oxucular üçün nəzərdə tutulub.
Xatırladaq ki, bundan əvvəl “Qanun” Nəşrlər Evinin xüsusi endirimlərlə təşkil etdiyi kitab sərgiləri böyük uğurları ilə yadda qalıb.
