Amerikalı aktyor, müğənni və teleaparıcı Ed Ames 95 yaşında Los-Ancelesdə vəfat edib.
Kulis.az xəbər verir ki, bu barədə "Deadline" məlumat yayıb.
Yaxınları aktyorun ölüm səbəbini açıqlamayıblar.
Sənətkar yaradıcılıq karyerasına 1950-ci ildə qardaşları Vik, Co və Cin ilə birlikdə Ames Brothers müğənni kvartetinin tərkibində başlayıb. Onlar 1950-ci ildə "Rag Mop" hitini yazıblar. Qrupun cəmi 49 mahnısı hit-paradlara düşüb. Öz televiziya şousu "The Ames Brothers Show"da olan qrup 1963-cü ildə fəaliyyətini dayandırıb.
Bundan sonra Ames solo karyerasını davam etdirib və "Who Will Answer?", "My Cup Runneth Over" və "Try to Remember" mahnıları hit olub. Daha sonra aktyor olmaq qərarına gəlib və əvvəlcə Brodveydən kənar teatr turlarında iştirak edib. Aktyor "Daniel Boone" və "Mingo" kimi məşhur seriallarda da rol alıb.
