Kinematoqrafçılar ittifaqlarının birləşməsi ilə bağlı qurultayın noyabrda keçiriləcəyi gözlənilir.
Kulis.az xəbər verir ki, bunu APA-nın sorğusuna cavab olaraq, Azərbaycan Kinematoqrafçılar İttifaqının (AKİ) katibi rejissor Əli İsa Cabbarov deyib.
Katibin sözlərinə görə, hazırda birləşmə istiqamətində iş aparılır.
"Birləşmə prosesi hüquqi sənədlərin tərtibatı mərhələsindədir. Hazırda hüquqi sənədlər üzərində də lazımi iş gedir", - Əli İsa Cabbarov qeyd edib.
Xatırladaq ki, bu ilin 26 iyulunda Azərbaycan Respublikası Kinematoqrafçılar İttifaqı (ARKİ) və Azərbaycan Kinematoqrafçılar İttifaqı (AKİ) birləşmələri barədə bəyanat yayıblar.
Qeyd edək ki, Azərbaycan Respublikası Kinematoqrafçılar İttifaqı 2012-ci ildə yaradılıb və ittifaqın idarə heyətinin hazırkı sədri Xalq artisti Şəfiqə Məmmədovadır. Azərbaycan Kinematoqrafçılar İttifaqı isə 1963-cü ildən fəaliyyət göstərir, ittifaqın idarə heyətinin hazırkı sədri Xalq artisti Rasim Balayevdir.
