Yazıçı Mirmehdi Ağaoğlunun “Zəfərin iziylə” kitabının təqdimat mərasimi keçiriləcək.
Kulis.az xəbər verir ki, təqdimat bu gün saat 18:00-da "LIBRAFF"ın "Park Akademiya" filialında (Elmlər Akademiyası m/s-nın əsas girişi ilə üzbəüz) keçiriləcək.
Kitaba müəllifin 44 günlük Vətən müharibəsindən sonra işğaldan azad olunmuş ərazilərə səfərləri zamanı hazırladığı reportajlar daxildir.
Oxucular kitabda 30 ilə yaxın müddət ərzində işğal altında qalan ərazilərimizin mövcud durumu, eləcə də düşmən vəhşilikləri nəticəsində Qarabağda yerləşən tarixi-mədəni abidələrin, yaşayış məntəqələrinin, şəhərlərin düşdüyü acınacaqlı vəziyyətlə tanış ola bilərlər.
Qeyd edək ki, təqdimat 20:00-a kimi davam edəcək.
Təqdimat mərasimi və imza gününə hər kəs dəvətlidir.
