Gənc yazar Ayxan Ayvazın Azərbaycan Yazıçılar Birliyindən (AYB) çıxarılması məsələsi bu həftə katiblikdə müzakirə edilərək müvafiq qərar çıxarılacaq.
Bu barədə Kulis.az-a AYB-dəki etibarlı mənbələrdən məlumat verilib.
Kulis.az məsələ ilə bağlı AYB-nin mətbuat xidmətinin rəhbəri Xəyal Rza ilə əlaqə saxlayıb.
Xəyal Rza deyib ki, sözünü etdiyiniz şəxsin AYB-dən xaricedilmə məsələsi müzakirə olunmur. O bildirib ki, AYB-nin məsələ ilə bağlı münasibəti artıq mətbuatda açıqlanıb: "Gələcək barədə proqnoz vermək isə çətindir".
