Kitab “Yoxluğuna və sağlığına” adlanır. “Mütərcim” nəşriyyatında çap olunan kitabın redaktoru və ön sözün müəllifi xalq şairi Nəriman Həsənzadədir. Annotasiyada deyilir:
“Topluya şairin müxtəlif illərdə yazdığı şeirlər toplanıb. Şeirlərin əsas mövzusunu müasir insanın lirik duyğuları təşkil edir. Əsərin qəhrəmanı – aşiq, ümumiyyətlə , şeirlərdə tərənnüm olunan sevgi münasibətləri ənənəvi şeirlərdən və aşiqlərdən tamamilə fərqlənir. Deyək ki, 80-90 –cı illərdəki ,hətta ondan qabaqkı lirikada sevgi münasibətləri ancaq aşiqi və məşuqu yola gətirmək, sevmək və sevilmək, bir-birini günahlandırmaq olmuşdusa, burada ancaq baş verən olmuşların səbəbi araşdırılır, təhlil edilir , baş verənlərə fəlsəfi çalarlar verilir. Beləliklə də şeirlərdə obrazlar yeni səciyyə daşıyır. Burada aşıq günahlandırılmır, ona peşmançılıq hissi gətirərək, qələbə elan edilmir və ya o, əğyar məsələsində suçlanmır. Sadəcə burada “gedişlər”in, ”günahlar”ın “ şəkli çəkilir və çox zaman gedəndə günah görülmür ,əsas qalan günahlandırılır. Bu onu göstərir ki, müəllif həyat münasibətlərini çox səviyyəli və peşəkarlıqla qələmə alır. Kitabdakı şeirlərin quruluşu ,deyim tərzi, dramaturgiyası müasir ədəbi prosesdə tamamilə yeni dəsti xətdir, dialoqlar çal-çarpaz , münasibətlər əksliklərlə zəngindir”.
15 fevral 2013-cü il saat 14.00-da AYB-nin Natəvan klubunda müəllifin imza günü keçiriləcək. Arzu edənlər iştirak edə bilərlər.
